Rusiya: İrandakı nüvə obyektlərinə hücumlar dərhal dayandırılmalıdır
İslamazeri.com xəbər verir ki, Rusiya Xarici İşlər Nazirliyinin sözçüsü Mariya Zaxarova ABŞ-ın İranın Darhovin nüvə obyektinə hücumundan sonra Beynəlxalq Atom Enerjisi Agentliyini (BAEA) təcili tədbirlər görməyə çağırıb.
Zaxarova bu açıqlamanı ABŞ-ın Xuzistan əyalətindəki Darhovin nüvə obyektinə hücumundan sonra verib.
O bildirib ki, Rusiya BAEA-nın İranın nüvə obyektlərinə hücumları dayandırmaq üçün konkret və təcili addımlar atacağına ümid edir.
Zaxarova İranın nüvə enerjisini dinc məqsədlər üçün inkişaf etdirmək və istifadə etmək hüququnun xarici hücumların hədəfi olmamalı olduğunu vurğulayaraq, bu hüququn Nüvə Silahlarının Yayılmaması Müqaviləsi (NPT) ilə təmin edildiyini bildirib.
Digər tərəfdən, İran Atom Enerjisi Təşkilatı ABŞ-ın son hücumlarından sonra yayımladığı bəyanatda BAEA-nı "laqeydlikdə" və hücumlara "uyğun hərəkət etməkdə" günahlandırıb və İranın nüvə obyektlərinin Agentliyin daimi nəzarəti altında olduğunu bildirib.
