Rusiya, İran və Çin birgə hərbi-dəniz təlimləri keçirəcək

Rusiya, İran və Çin birgə hərbi-dəniz təlimləri keçirəcək
Yayınlanma tarixi: 18.01.2022 18:14:44

3 ölkə 2021-ci ilin sonu - 2022-ci ilin əvvəlində Fars körfəzi rayonunda birgə hərbi təlim keçirəcək.

Rusiya, İran və Çin birgə hərbi-dəniz təlimləri keçirəcək.

İslamazeri.com RİA-ya istinadən xəbər verir ki, bu barədə Rusiyanın Sakit okean Donanmasının (SOD) mətbuat xidməti məlumat verib.

Ötən gün Rusiya SOD gəmiləri İranın Çabahar limanına yan alıb.

“Limanda Rusiya Hərbi Dəniz Donanmasının (HDD) rəsmi nümayəndə heyəti Rusiya, İran və Çin döyüş gəmilərinin birgə hərbi-dəniz təlimlərinin keçirilməsi üzrə planlaşdırılan konfransda iştirak edəcək”, - deyə qeyd edilib.

Bundan başqa, Rusiya gəmiləri ərzaq, su və yanacaq ehtiyatlarını dolduracaq.

Daha öncə rusiyalı rəsmi bildirmişdi ki, 3 ölkə 2021-ci ilin sonu - 2022-ci ilin əvvəlində Fars körfəzi rayonunda birgə hərbi təlim keçirəcək. Təlimlərin əsas məqsədi beynəlxalq gəmiçiliyin təhlükəsizliyinin təminatı və dəniz quldurları ilə mübarizə üzrə tədbirlərin məşqidir.

GÜNÜN MANŞETLERİ