İsrail: Livan hökuməti Hizbullaha qarşı bizim yanımızdadır
İslamazeri.com xəbər verir ki, Əl-Əxbar qəzeti Livanın hazırkı hökumətinin İsrail hücumlarının qurbanlarına və ictimaiyyətə qarşı "açıq-aşkar xəyanət" kimi təsvir edilən addımlar atdığını bildirib.
Məruzədə hökumətin ABŞ və İsrail nümayəndələri ilə "utancverici obraz" təqdim etmək üçün görüşdüyü və sonradan verilən birgə bəyanatda "müqavimətin tərksilah edilməsinin atəşkəs üçün ilkin şərt kimi qəbul edildiyi" bildirilib.
ABŞ Dövlət Katibi Marko Rubionun sözlərinə görə, Prezident Cozef Aun və Baş nazir Nəvaf Salamın Vaşinqton görüşünün "nailiyyətlərini" açıqlayacaqları gözlənilsə də, hazırda müzakirə olunan razılaşma 27 oktyabr 2024-cü il tarixli atəşkəs razılaşmasından kənara çıxır.
Əl-Əxbar qəzeti bildirib ki, görüşdən sonra İsrail hökuməti atəşkəsə razılaşmaq və ya Livandan çıxmaq niyyətində olmadığını açıqlayıb.
Xəbərdə İsrail hökumətinin Livan hökumətini "Hizbullahı tərksilah etmək üçün müharibəyə başlamağa" dəvət etdiyi bildirilib. Lakin Vaşinqtonda baş verənlərin əsl mahiyyətini ən yaxşı şəkildə İsrailin maliyyə naziri İsrael Smotriç belə təsvir edib:
"Heç kim bizim üçün Hizbullahı məhv etməyəcək, amma Livan bizə bunu etmək üçün legitimlik verəcək."
Əl-Əxbar vurğulayıb ki, "dünənki xəyanətdən sonra" hər kəsin Aun və Salamın bu yeni güzəşt müqabilində qazandıqları "hüquqları" tələb etməsi vacib hala gəlib.
Hesabatda xəbərdarlıq edilib ki, əgər cütlük "əvvəlcə silah təslim etmək" ritorikasında israr etsələr, yarana biləcək hər hansı siyasi və təhlükəsizlik böhranlarına görə birbaşa məsuliyyət daşıyacaqlar.
