İran rəsmisi: Sanksiyalar ləğv edilmədən heç bir razılaşma mümkün deyil.
İslamazeri.com xəbər verir ki, İran rəsmisi Vaşinqtonun anlaşma memorandumunun layihəsində etdiyi dəyişikliklərin Tehran üçün qəbuledilməz olduğunu bildirib və əlavə edib ki, sanksiyaların ləğvi və dondurulmuş aktivlərin buraxılması istənilən razılaşma üçün əsas şərtlərdir.
Qətərdə yerləşən Əl-Cəzirə televiziyasına danışan İran rəsmisi ABŞ-ın anlaşma memorandumunun layihəsində etdiyi dəyişikliklərin Tehran üçün qəbuledilməz olduğunu bildirib.
Adı çəkilməyən rəsmi atəşkəsin potensial pozuntularının danışıqlar prosesinə mənfi təsir göstərə biləcəyini və İranın bu cür hərəkətlərə qətiyyətlə cavab verəcəyini bildirib.
Rəsmi dondurulmuş İran aktivlərinin buraxılması və sanksiyaların ləğvi olmadan heç bir razılaşmanın mümkün olmayacağını vurğulayıb.
Bəyanatda həmçinin qeyd olunub ki, regionda davamlı sabitlik və təhlükəsizlik yalnız təcavüzkar hərəkətlərə qarşı effektiv çəkindirici mexanizm yaratmaqla əldə edilə bilər.
