Çin Xalq Azadlıq Ordusu (ÇXAO) döyüş qabiliyyətinin artırılması üçün öz hazırlılığını artırmalı və hərbi əməliyyatlara hazır olmalıdır.
İslamazeri.com xarici mediaya istinadən xəbər verir ki, bu barədə Çin sədri Si Cinpin bildirib.
“Silahlı Qüvvələrin hərtərəfli hazırlığını artırmaq, onların döyüş əməliyyatlarına hazırlılığını təmin etmək lazımdır“, - deyə o qeyd edib.
Cinpin deyib ki, hazırda dünya dərin dəyişikliklər dövrünü yaşayır və bu dəyişikliklər Çinin təhlükəsizliyi məsələsində qeyri-stabillik və qeyri-müəyyənliyə aparır.
