Livan yenidən hədəfdə: İsrail Sur bölgəsini bombaladı.
İslamazeri.com xəbər verir ki, İsrail ordusu atəşkəsə baxmayaraq, Livanın cənubunda yerləşən Sur şəhərinə hava və artilleriya zərbələri endirib.
Livanın rəsmi NNA xəbər agentliyinin məlumatına görə, İsrailə məxsus döyüş təyyarələri Sur şəhərinə bağlı Mənsuri qəsəbəsinin kənd ərazilərinə iki hava zərbəsi endirib.
İsrail artilleriyası isə Sur şəhərinin Məcdəl Zun qəsəbəsi ətrafını atəşə tutub.
Bundan əlavə, işğalçı İsrail ordusu Nəbətiyyə vilayətinə bağlı Kəfərtəbnit qəsəbəsində güclü partlayış törədib.
NNA-nın məlumatına əsasən, İsrail ordusu Kəfərrumman təpələrinə işıqlandırıcı mərmilər ataraq ərazidə yanğın törətməyə cəhd göstərib.
