ABŞ prezidenti Co Bayden Ukraynaya yeni 275 milyon dollarlıq müdafiə yardımının ayrılmasını təsdiqləyib.
İslamazeri.com xarici mediaya istinadən xəbər verir ki, Ağ Evdən verilən yazılı açıqlamaya görə, Bayden Dövlət Departamentinə Ukraynaya 275 milyon dollarlıq yeni müdafiə yardımı etmək səlahiyyəti verib.
Bundan əlavə, Ağ Ev Milli Təhlükəsizlik Şurasının Strateji Kommunikasiyalar Direktoru Con Kirbi Zoom vasitəsilə keçirdiyi brifinqdə deyib: “Mən 275 milyon dollarlıq yeni müdafiə paketinin tezliklə Ukraynaya yollanacağını elan etməkdən məmnunam”.
Sözügedən yardımın Ukraynaya yeni hava hücumundan müdafiə imkanları qazandıracağını və bu ölkənin özünü PUA təhlükəsinə qarşı qoruya biləcəyini ifadə edən Kirbi, sözügedən yardımın döyüş meydanındakı əsgərlərə də daha çox sursat təmin edəcəyini qeyd edib.
