İran ABŞ-nin son təhdidləri ilə bağlı BAEA-ya məktub göndərib.
İslamazeri.com İRNA-ya istinadən xəbər verir ki, dinc nüvə proqramına qarşı ABŞ-nin son təhdidlərinə cavab olaraq, İran İslam Respublikasının Vyanadakı Beynəlxalq Təşkilatlar yanında Daimi Nümayəndəliyi Beynəlxalq Atom Enerjisi Agentliyinin baş direktoru Rafael Qrossiyə bu təhdidlərin normallaşdırılmasının Agentliyin və qlobal Nüvə Silahlarının Yayılmaması rejiminin etibarlılığı üçün təhlükəli nəticələri barədə xəbərdarlıq edən məktub göndərib.
Məktubda əlavə olunur: Bu cür ehtiyatsız hərəkətlər pislənməli və günahkarlar tam məsuliyyətə cəlb olunmalıdır.
Bu məktub ABŞ prezidenti Donald Trampın bazar ertəsi günü İsrailin Baş naziri Binyamin Netanyahu ilə görüşdükdən sonra İran İslam Respublikasına qarşı keçmiş ritorika və təhdidlərini təkrarladığı bir vaxtda dərc olunur.
