Əraqçi: Fələstin və Livan müqavimətinə dəstəyimiz davam edəcək
İslamazeri.com xəbər verir ki, İranın xarici işlər naziri Abbas Əraqçi vurğulayıb ki, Tehran region xalqlarının, xüsusən də Fələstin və Livan xalqlarının işğal və İsrail təcavüzünə qarşı qanuni müqavimətini dəstəkləməyə davam edir.
Həmas Siyasi Bürosunun Liderlik Şurasının üzvü Xəlil əl-Həyya ilə telefon danışığında Əraqçi Fələstin xalqının və müqavimət qruplarının İsrail hücumlarına qarşı müqavimətinə görə minnətdarlığını bildirib.
Əraqçi həmçinin Xəlil əl-Həyyaya oğlunun və Qəzzada çoxsaylı müqavimət liderlərinin şəhid olması münasibətilə başsağlığı verib.
Xəlil əl-Həyya da öz növbəsində İran danışıqlar qrupunun mövqeyinə və bölgədəki bütün cəbhələrdə eyni vaxtda hərbi əməliyyatların dayandırılmasına vurğu etməsinə görə minnətdarlığını bildirib.
Əl-Həyya həmçinin Fələstin xalqının mübarizəsinə verdiyi dəstəyə görə İran İslam Respublikasına təşəkkür edib.
Əl-Həyya İsrailin Qəzzada atəşkəs sazişinin şərtlərinin həyata keçirilməsinə maneələr yaratdığını bildirib və Fələstin milli məqsədlərinə çatana qədər müqavimət və qətiyyəti davam etdirməyə sadiq olduqlarını vurğulayıb.
Xəlil əl-Həyya həmçinin İranı son hücumlar qarşısında "böyük qələbəsi" münasibətilə təbrik edib və ABŞ və İsrailin son hücumlarında şəhid olan yüksək vəzifəli İran rəsmiləri və komandirləri üçün başsağlığı verib.
