ABŞ müharibəni dayandırmaq üçün İsrailə nümayəndələr göndərib.
ABŞ administrasiyası İranla gərginliyin artmasına cavab olaraq diplomatik fəaliyyəti sürətləndirib. Ağ Evin xüsusi nümayəndəsi Stiv Vitkov və prezident Donald Trampın kürəkəni Cared Kuşner çərşənbə axşamı İsrailin Baş naziri Binyamin Netanyahu ilə vacib görüş üçün İsrailə səfər etməyə hazırlaşırlar.
İslamazeri.com xəbər verir ki, Axios-un məlumatına görə, görüşün əsas gündəliyi İrana qarşı başlanan hərbi əməliyyatın dayandırılması ehtimalı olacaq. Vaşinqton administrasiyasının regional gərginliyin artması və hücumların yayılma riskindən narahat olduğu bildirilir.
Qeyd edək ki, Tramp bundan əvvəl İrana qarşı əməliyyatın taleyi ilə bağlı qərarın İsrailin Baş naziri Netanyahu ilə birlikdə veriləcəyini bildirmişdi.
28 fevralda başlayan ABŞ-İsrail hücumlarından sonra İran bölgədəki ABŞ bazalarını hədəf alan cavab hücumlarına başladı. Münaqişənin regional müharibəyə çevrilməsi ehtimalı beynəlxalq ictimaiyyətdə ciddi narahatlığa səbəb olub və Vaşinqtonun nümayəndələrini İsrailə tələsik göndərməsi "ABŞ-ın müharibənin gedişatından narahat olduğu" şərhlərinə səbəb olub.
