Pakistanda leysan yağışların səbəb olduğu daşqınlarda 5 nəfər ölüb.
Pakistanda leysan yağışların səbəb olduğu daşqınlarda ilk təsbitlərə görə 5 nəfər həyatını itirib.
İslamazeri.com xəbər verir ki, regional Fəlakət İdarəsi (PDMA) tərəfindən verilən açıqlamada ölkənin cənub-qərbində yerləşən Bəlucistan əyalətində 24 saat davam edən yağışların daşqınlara səbəb olduğu bildirilib.
Açıqlamada, Bəlucistan bölgələrindən biri olan Huzdarda 2 nəfərin, Labellada 2 nəfərin və Keçdə 1 nəfərin yağışların səbəb olduğu sel və qəzalar nəticəsində öldüyü bildirilib.
Açıqlamada, leysan yağışlar səbəbindən Bəlucistana nəqliyyatda mühüm əhəmiyyət kəsb edən iki əsas yolun bağlanması nəticəsində vilayətin ölkənin qalan hissəsi ilə əlaqəsinin kəsildiyi bildirilib. Məlumata görə ən az 10 bölgədə evlərə və əkinçilik sahələrinə ziyan dəyib.
