İslamazeri.com VG-a istinadən xəbər verir ki, Norveç hökuməti yeni tövsiyyələri təsdiq edib.

Yeni dəyişikliklərə əsasən, bir neçə ölkə istisna olmaqla, bir sıra Avropa ölkələrinin vətəndaşları Norveçə daxil olan zaman əvvəlki kimi karantindən keçmək məcburiyyətində deyil.

“15 iyuldan koronavirusla bağlı nisbətən yaxşı vəziyyətin olduğu Avropa ölkələrinə, geri qayıdan zaman özünütəcrid olmadan, səyahət etmək mümkün olacaq. Bu ölkələrdən olan turistlər isə Norveçə gələ və karantini gözləməyə bilərlər”, - deyə qeyd edilir.

Belə ölkələr siyahısına Şengen razılığının və Avropa İttifaqının, demək olar ki, bütün dövlətləri daxil olub. Portuqaliya, Macarıstan, Xorvatiya, Rumıniya, Bolqarıstan və Lüksemburq istisna təşkil edən ölkələrdir. Bundan başqa, İsveçrənin 3 ərazisi də “açıqdır”.

Bildirilir ki, ölkələr siyahısı hər 2 həftədən bir gözdən keçiriləcək.

Norveç bir sıra ölkə vətəndaşları üçün karantini ləğv etdi