Narkotik vasitə qəbul etmələri müəyyən edilən şəxslər 9 ay müddətinə sürücülük hüququndan məhrum ediliblər.
Bu barədə İslamazeri.com-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, Baş Dövlət Yol Polisi İdarəsinin əməkdaşları tərəfindən dekabrın 5-də saat 18 radələrində Sabirabad rayonunun Nizami kəndi ərazisində yerləşən postda Sumqayıt şəhər sakini A.Tapdıqovun və Bakı şəhər sakini E.Binyətovun idarə etdikləri “Shacman” markalı 2 yük avtomobili nəzarət-yoxlama qaydasında saxlanılıb.
Polis əməkdaşları tərəfindən həmin sürücülərin narkotik vasitə qəbul etmələri müəyyən edilmiş və barələrində İnzibati Xətalar Məcəlləsinin 333.1-ci maddəsi ilə protokollar tərtib edilib.
Hər iki sürücü Şirvan Şəhər Məhkəməsinin qərarı ilə 9 ay müddətinə sürücülük hüququndan məhrum ediliblər.
