Macarıstan Rusiya neftini “Drujba” boru kəməri vasitəsilə almağa davam etmədiyi müddətdə Ukraynaya qaz ixracını dayandırmaq qərarı verib.
İslamazeri.com xəbər verir ki, bu barədə ölkənin baş naziri Viktor Orban məlumat verib.
Orban bildirib ki, Ukrayna neft tranzitini təmin etmədikcə, Macarıstandan qaz ala bilməyəcək. Baş nazir əlavə edib ki, rəsmi Budapeşt əsas diqqəti ölkənin enerji təhlükəsizliyinin qorunmasına, yanacaq qiymətlərinin sabit saxlanmasına və qaz tariflərinin aşağı səviyyədə qalmasına yönəldir.
O, həmçinin qeyd edib ki, mövcud vəziyyətdə Macarıstan neft məhsulları üzrə ehtiyatlarını artırmağı planlaşdırır.
