Rusiyanın xarici işlər naziri Sergey Lavrov bildirib ki, İranı əhatə edən regionda hər kəs bu ölkə ilə gərginliyin artmasının odla oynadığının fərqindədir.
İslamazeri.com xəbər verir ki, Səudiyyə Ərəbistanı televiziyasına verdiyi müsahibədə Lavrov əmin olduğunu bildirib ki, ərəb dünyası, xüsusən də Körfəz dövlətləri İran ətrafında gərginliyin yenidən artmasına heç bir istək duymur.
Lavrov bildirib ki, "Mən bölgədəki hadisələrə, xüsusən də ərəb ölkələrinin və Körfəz krallıqlarının reaksiyalarını diqqətlə izləyirəm. Heç kim gərginliyin daha da artması istəmir. Hamı bunun odla oynanılması olduğunu bilir".
İsrail Baş naziri Binyamin Netanyahunun mövqeyinə toxunan Lavrov qeyd edib ki, Netanyahu İrana qarşı radikal tədbirlər görməkdə həddindən artıq israrlıdır.
Lavrov vurğulayıb ki, bu cür addımlar İranın Nüvə Silahlarının Yayılmaması Müqaviləsi (NPT) və digər beynəlxalq müqavilələr çərçivəsində qanuni hüquqlarını pozacaq.
Rusiya xarici işlər naziri xəbərdarlıq edib ki, bu cür təxribatlar son illərdə Körfəz Əməkdaşlıq Şurası ölkələri ilə İran arasında qurulan və Səudiyyə Ərəbistanı ilə İran arasında münasibətlərin normallaşması ilə nəticələnən müsbət prosesi poza bilər.
