İsrail əsgərlərinin işğal altındakı İordan çayının qərb sahilinin şimalında iki fələstinlini güllələyərək öldürdüyü bildirilir.
İslamazeri.com xəbər verir ki, bu barədə Fələstin Səhiyyə Nazirliyindən verilən yazılı açıqlamada bildirilib.
“Cenində İsrail əsgərləri tərəfindən vurulan bir fələstinli ölüb'',-deyə açıqlamada vurğulanıb.
Şahidlər İsrail qüvvələrinin Cenin şəhərinin Yabed qəsəbəsinə basqın edərək bir fələstinlinin evini mühasirəyə aldığını və evdəkilərə təslim olmaları ilə əlaqədar çağırış etdiyini bildirib.
İsrail əsgərlərinin evə basqın edərək bir fələstinlini saxladığını bildirən şahidlər İsrail əsgərlərinin basqına reaksiya verən fələstinlilərə həqiqi güllə və gözyaşardıcı qazla müdaxilə etdiyini qeyd edib.
İsrail əsgərləri ötən gün Ramallah şəhərində bir fələstinli yeniyetməni də öldürmüşdü.
İsrail əsgərləri müxtəlif bəhanələr irəli sürərək işğal altındakı İordan çayının qərb sahilinin bir çox şəhərinə vaxtaşırı basqınlar təşkil edir.
Qeyd edək ki, bu basqınlar nəticəsində 100-dən çox fələstinli həlak olub.
