İsrail telekanallarından biri olan Kanal 14 İsrail ordusunun Cenin düşərgəsində davam edən hadisələrə görə həyəcanlı vəziyyət elan etdiyini açıqlayıb.
İsrail mediası Cenin düşərgəsində davam edən hadisələrə görə İsrail ordusunun təşvişə düşdüyünü açıqlayıb.
İslamazeri.com xəbər verir ki, İsrail telekanallarından biri olan Kanal 14 İsrail ordusunun Cenin düşərgəsində davam edən hadisələrə görə həyəcanlı vəziyyət elan etdiyini açıqlayıb.
İşğalçı sionist qüvvələrin Cenin düşərgəsinə hücumu 9 fələstinlinin ölümü və çoxlu sayda fələstinlinin yaralanması ilə nəticələnib. Məlumatlara görə, bu basqınların məqsədi axtarışda olan müqavimətçilərdən birini həbs etmək olub.
Digər tərəfdən, Fələstin Müqavimət Qruplarından Cenin Briqadaları bu açıqlamalarla çıxış ediblər:
"Bu gün səhər Cenin düşərgəsinə hücum edən işğalçı sionist əsgərlər ağır silahlar və partlayıcılarla hədəfə alınıb və bu hücum çoxlu sayda sionisti yaralayıb".
Yerli mənbələr üsyançıların Cenin düşərgəsi üzərində sionist rejimin casus pilotsuz təyyarəsini vurmağa müvəffəq olduqlarını açıqlayıblar.
Səhər saatlarında Fələstin mənbələri İordan çayının qərb sahilindəki Cenin düşərgəsində müqavimət döyüşçüləri ilə işğalçı sionist qüvvələr arasında şiddətli toqquşmaların baş verdiyini və Saib İsam Mahmud Əzraki adlı 24 yaşlı fələstinli gəncin güllələnərək həyatını itirdiyini bildirib. Bu fələstinli gəncin ölümü ilə bu ilin əvvəlindən etibarən Cenin düşərgəsində ölənlərin sayı 14-ə çatıb.
