İsrail Mahşəhr Neft-Kimya Zavoduna hücumu etiraf etdi.
İslamazeri.com xəbər verir ki, İsrail ordusunun İranın cənub-qərbində yerləşən Mahşəhr neft-kimya kompleksinə hava zərbəsi endirdiyini təsdiqlədiyi bildirilib.
İsrail İrandakı neft-kimya infrastrukturunu hədəf aldığını etiraf edib.
“Əl-Cəzirə”nin məlumatına görə, İsrail ordusu İranın cənub-qərbində yerləşən Mahşəhr Neft-Kimya Kompleksinə hava hücumları həyata keçirdiyini təsdiqləyib.
Sionist rejimin televiziya kanalı isə İran ərazisində təxminən 20 nöqtənin hədəfə alındığını iddia edib. İsrail adətən hücumlarının yalnız hərbi hədəflərə yönəldiyini bildirsə də, bu iddialar zaman-zaman müzakirə mövzusu olur.
Digər tərəfdən, Xuzistan əyalətinin təhlükəsizlik məsələləri üzrə vali müavini Vəliullah Həyati açıqlamasında Mahşəhrdə yerləşən Karun Neft-Kimya Zavodunun hava hücumuna məruz qaldığını və müəssisənin bəzi hissələrinə ziyan dəydiyini bildirib.
Həyati həmçinin hücum nəticəsində hər hansı insan itkisi və ya yaralanma halının qeydə alınmadığını qeyd edib.
