1. http://www.islamazeri.com/

Kateqoriya :

Yayınlanma tarixi:1.05.2018 02:54:43

Bu gün Əfqanıstanın paytaxtı Kabildə baş verən iki intiharçı hücum nəticəsində doqquz jurnalist daxil olmaqla, azı 26 nəfər həlak olub.

Bu gün Əfqanıstanın paytaxtı Kabildə baş verən iki intiharçı hücum nəticəsində doqquz jurnalist daxil olmaqla, azı 26 nəfər həlak olub. Beş jurnalist daxil olmaqla isə azı 50 nəfər yaralanıb. İslamazeri.com "voa"ya istinadən xəbər verir. Xəbərə görə, Əfqanıstan rəsmiləri və şahidlər bildirib ki, hücum səhər saatlarında intiharçı bomba hücumçusunun motosikletdə ölkənin kəşfiyyat idarəsi olan Milli Təhlükəsizlik Direktoratına yaxınlaşdığında özünü parlatması nəticəsində baş verib.

Polis sözçüsü deyib ki, xilasedicilər və media işçiləri hadisə yerinə gəldikdə, özünü jurnalist kimi göstərən ikinci bomba hücumçusu üzərindəki partayıcını partladıb.

İŞİD “Amaq” xəbər agentliyi vasitəsilə Əfqanıstanın media işçilərinə qarşı ən tələfatlı hücumun məsuliyyətini öz üzərinə götürüb. 
Yerli media müşahidəçisi, Əfqanıstan Jurnalistlərin Təhlükəsizliyi Komitəsi, jurnalistlərin öldüyünü təsdiqləyib və hücumu kəskin qınayıb. 

Ölənlər arasında Azadlıq Radiosunun əməkdaşı Məhərrəm Durrani də daxil olmaqla, iki qadın jurnalist olub. Fransanın AFP xəbər agentliyi Kabildəki baş fotoqrafı Şah Marain öldüyünü təsdiq edib. Azadlıq Radiosunun daha iki işçisi də hücum zamanı həlak olub.

ABŞ qüvvələri və NATO-nun baş komandiri Con Nikolson “bu xain hücumları” kəskin qınayıb.

Hücumlardan bir neçə saat sonra Əfqanıstanın cənubundakı Qəndəhar vilayətində intiharçının maşında bomba hücumu azı yeddi nəfərin ölümünə və beş rumıniyalı əsgər daxil olmaqla, 16 nəfərin yaralanmasına səbəb olub. Yerli polisinin sözçüsü Amerikanın Səsinə bildirib ki, hücum zamanı xarici hərbi qüvvələrin üzvləri hədəf alınıb. O həmçinin qeyd edib ki, ölənlərin hamısı yaxınlıqda yerləşən dini seminariyanın, və ya mədrəsənin şagirdləri olub. 

Güclü partlayış nəticəsində həmçinin doqquz mülki vətəndaş xəsarət alıb. Onların arasında bir neçə qadın da olub.

ABŞ ordusunun böyük hərbi bazasının yerləşdiyi Qəndəharda baş verən hücumun məsuliyyətini üzərinə alan olmayıb. Taliban terrorçuları Əfqanıstanın cənubunda böyük ərazilərə nəzarət edir və tez-tez yerli qüvvələr və onların beynəlxalq tərəfdaşlarına qarşı hücumlar törədir.


İŞİD-ə bağlı kamikadze özünü partlatdı: 9 jurnalist həyatını itirib

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Dəniz quldurları Türk gəmisinə hücum edərkən bir azərbaycanlı öldürülüb - TƏFƏRRÜAT
    Nigeriya sahillərində dəniz quldurları tərəfindən Türkiyə gəmisinə basqın edilib, bir azərbaycanlı öldürülüb.
     24.01.2021
    Gürcüstanda ticarət mərkəzləri 1 fevraldan açılır
    Gürcüstanda bazarların açılması ilə bağlı gündəmdə olan məsələ məlum olub
     23.01.2021

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ