İranın BMT-dəki daimi nümayəndəsi Əmir Səid İrəvani cümə günü Birləşmiş Millətlər Təşkilatının İqtisadi və Sosial Şurasının (ECOSOC) xüsusi sessiyasında çıxış edib.
İslamazeri.com xəbər verir ki, İranın BMT-dəki daimi nümayəndəsi Əmir Səid İrəvani Hörmüz boğazındakı mövcud vəziyyətə və onun qlobal iqtisadi nəticələrinə görə məsuliyyətin İrana qarşı müharibəyə başlayan ölkələrin üzərinə düşdüyünü bildirib.
"Enerji Axınlarının Qorunması və Təchizat Təhlükəsizliyi; Beynəlxalq Əməkdaşlıq Vasitəsilə Qlobal İnkişafın Dəstəklənməsi" mövzusunda keçirilən iclasda çıxış edən İrəvani enerji bazarlarında, təchizat zəncirlərində və qlobal ticarət axınlarında artan qeyri-sabitliyin davamlı inkişafa və dünya iqtisadiyyatına ciddi təhlükə yaratdığını bildirib.
İrəvani bildirib ki, İran bir ildən az müddətdə iki qanunsuz hücuma məruz qalıb və beynəlxalq hüququ və BMT Nizamnaməsini pozub və minlərlə mülki şəxsin, əsasən qadın və uşaqların ölümünə səbəb olub.
İranlı diplomat əlavə edib ki, hücumlar mülki, iqtisadi, enerji və ekoloji aspektlər baxımından həssas infrastruktura ciddi ziyan vurub və bu nəticələr hərbi əməliyyatların dayandırılması ilə aradan qalxmayacaq.
İrəvani çıxışında mövcud böhranların kök səbəblərinə diqqət çəkərək bildirib ki, “Bugünkü qeyri-sabitlik boşluqda yaranmayıb. Bu vəziyyət İsrail rejimi və ABŞ tərəfindən tətbiq edilən qanunsuz və aqressiv siyasətin nəticəsidir”.
İrəvani qeyd edib ki, İranın neft, təbii qaz və neft-kimya infrastrukturuna hücumlar Fars körfəzi bölgəsində ciddi iqtisadi və ekoloji ziyana səbəb olub və qlobal enerji və gübrə təchizatı zəncirlərinə mənfi təsir göstərib.
O, əlavə edib ki, ABŞ-ın birtərəfli sanksiyaları və dəniz blokadası qlobal təchizat zəncirlərindəki pozuntuları daha da dərinləşdirib və regional təhlükəsizliyin yalnız dialoq, qarşılıqlı hörmət və beynəlxalq əməkdaşlıq yolu ilə əldə edilə biləcəyini vurğulayıb.
İrəvani bildirib ki, İran enerji təhlükəsizliyi və Hörmüz boğazında normallaşmanın bərpası üçün konstruktiv dialoqa sadiqdir və bunun üçün hərbi gərginliyə və dəniz blokadasına son qoyulmalıdır.
İranlı diplomat çıxışını belə yekunlaşdırıb: “İrana və onların regional tərəfdaşlarına qarşı müharibəyə başlayanlar Hörmüz boğazındakı mövcud vəziyyətə və onun qlobal iqtisadi nəticələrinə görə tamamilə məsuliyyət daşıyırlar”.
