İrandan Trampın son təhdidinə cavab: Qanun pozuntularına qarşı duracağıq
İslamazeri.com xəbər verir ki, İran Xarici İşlər Nazirliyinin sözçüsü İsmayıl Bəqayi ABŞ rəsmilərinin İranın mülki infrastrukturuna qarşı təhdidlərinə cavab verdi.
Bəqayi sosial media vasitəsilə ABŞ rəsmilərinin İranın mülki infrastrukturuna, körpülərinə və elektrik stansiyalarına hücum təhdidlərinə cavab verdi.
Bəqayi öz paylaşımında beynəlxalq hüququ vurğulayaraq dedi:
"Heç bir əmr müharibə cinayətlərinin törədilməsinə icazə vermir. Daha yüksək bir əmrə istinad etmək müharibə cinayətlərini qanuniləşdirmir və ya günahkarları cinayət məsuliyyətindən azad etmir."
İran sözçüsü Amerika administrasiyasını "beynəlxalq humanitar hüquqdan, insan əxlaqından və sivilizasiyasından qalan hər şeyi müharibə və qırğın iştahına qurban verməkdə" günahlandırdı. Bəqayi əlavə edib: "Körpülərin və elektrik stansiyalarının dağıdılmasını nəzərdə tutan siyasət açıq şəkildə qanunsuz və cinayətkardır."
Bəqayi bildirib ki, bu təhdidlər "qisas" və "kollektiv cəza" təşkil edir, hər ikisi beynəlxalq hüquq və ABŞ daxili qanunvericiliyi ilə açıq şəkildə qadağan edilmiş hərəkətlərdir (xüsusən də 18 ABŞ Məcəlləsinin 2441-ci maddəsi Müharibə Cinayətləri Qanunu).
İran sözçüsü həmçinin bu cinayətlərin müddətinin keçmədiyini vurğulayaraq, ABŞ Hərbi Ədalət Qanununun (ICMJ) və Pentaqonun Müharibə Qanunu Təlimatının əsgərlərə "açıq-aşkar qanunsuz əmrlərə" tabe olmamaq üçün hüquqi və mənəvi öhdəlik verdiyini xatırladıb.
İsmayıl Bəqayi açıqlamasını belə yekunlaşdırıb: "İran qanunsuzluğa və qanun pozuntularına qarşı qətiyyətlə dayanacaq".
