ABŞ-ın ən çox qorunan şəxslərindən birinin məlumatları ələ keçirildi.
İslamazeri.com xəbər verir ki, ABŞ-ın İran üzrə keçmiş xüsusi nümayəndəsi və İrana qarşı sanksiyaların memarlarından biri olan Robert Malley, İranın kibermüqavimət qrupu Hanzala-nın hədəfinə çevrilib.
Hanzala, mürəkkəb bir kiber əməliyyat nəticəsində Malley-nin sistemlərinə tam giriş əldə etdiklərini və çoxlu sayda həssas məlumatları ələ keçirdiklərini açıqlayıb.
Vaşinqtonun ən çox qorunan şəxslərindən birinə qarşı aparılan bu əməliyyat, sistemin zəifliyini ortaya qoyduğu üçün böyük əhəmiyyət kəsb edir.
Kiber qrupunun açıqlamasına görə, Malley-ə məxsus 150.000 "tam məxfi" elektron poçt və onun rəsmi X (əvvəlki Twitter) hesabından minlərlə şəxsi rabitə ələ keçirilərək qrupun veb saytında ictimaiyyətə açıqlanıb.
İlk dəfə dərc edilən bu məlumatların Malley-nin vəzifədə olduğu müddətdə tətbiq etdiyi sanksiya siyasətinin pərdəarxası işləri haqqında vacib məlumatları ehtiva etdiyi iddia edilir.
Hanzala qrupu bildirib ki, sızdırılan sənədlərdə "Sionist lobbisi"nin İrana qarşı iqtisadi sanksiyaların hazırlanmasında birbaşa rolunu sübut edən "danılmaz" dəlillər var.
Sənədlərdə həmçinin iddia edilib ki, bəzi Fars körfəzi ölkələrinin Malley və onun sanksiya qrupu ilə sıx əməkdaşlıq edərək Tehrana qarşı iqtisadi təzyiq layihələrinin "əməliyyat qolu" kimi çıxış etdiyini göstərən qeydlər var.
Əvvəllər yüksək vəzifəli İsrail rəsmilərini hədəf alan Hanzələ bu son əməliyyatda diqqətini "iqtisadi cinayətlərdə" iştirak etdiyini vurğuladığı Amerika fiqurlarına yönəldib.
Kəşfiyyat şəbəkələrinin "sərhəd tanımadığını" bildirən qrup, qarşıdakı dövrdə digər tanınmış ABŞ rəsmilərinə məxsus məxfi rabitə məlumatlarını açıqlamaqla hədələyib.
Bəyanatında qrup Robert Malley-i sərt şəkildə tənqid edərək, onu "terrorçu cinayətkarlar" arasında əsas fiqur kimi təsvir edib.
Malley tərəfindən hazırlanmış sanksiyaların günahsız kütlələr arasında böyük əzab və ölümə səbəb olduğu bildirilsə də, əməliyyat bu "iqtisadi cinayətlərə" cavab olaraq müdafiə olunub.
