Ağ Ev Qəzzada soyqırım törədən İsraili dəstəklədiyini bir daha etiraf edib.
Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbinin verdiyi açıqlamalar ABŞ-ın Fələstin xalqına qarşı törədilən soyqırımı dəstəklədiyini bir daha ortaya qoydu.
İslamazeri.com xəbər verir ki, Kirbi CBS televiziyasında "Face the Nation" proqramında verdiyi açıqlamada Qəzzanı hədəf alan hücumları dəyərləndirib.
Kirbi, işğal rejimi ilə danışıqlar apardıqlarını və hücumları dayandırmaq əvəzinə daha az intensivlikli hücumların həyata keçirilməsini istədiklərini bildirib.
Kirbi deyib: “Baxın, hər bir hərbi əməliyyat mərhələlərdən keçir və HƏMAS öz rəhbərliyinə təzyiq göstərdikcə, növbəti məntiqi mərhələ daha aşağı intensivlikli əməliyyatlara, daha məqsədyönlü, daha dəqiq reydlərə, daha az hava zərbələrinə keçmək olacaq”.
