İsrail övladlarının süqutunun sirri
İslamazeri.com: Qurani-Kərimin doqquz yüz ayəsi Həzrət Musa ilə İsrail övladlarına həsr olunmuşdur. İnsanlar uzun illər boyu Fironun zülmü altında inləyirdilər. Amma Həzrət Musanın (ə) inqilabı ilə onlar Fironun şərindən nicat tapdılar və Həzrət Musanın (ə) rəhbərliyi ilə müstəqil hökumət təşkil etdilər. Allah-Taala Qurani-Kərimdə onların haqqında belə buyurur:
يَا بَنِي إِسْرَائِيلَ اذْكُرُواْ نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَ
“Ey İsrail övladları! Sizə bəxş etdiyim nemətimi və sizi (vaxtilə) bütün aləmlərdən üstün tutduğumu yadınıza salın!” (“Bəqərə” surəsi, ayə 47.)
Amma Qurani-Kərimin başqa bir ayəsində belə oxuyuruq:
وَبَآؤُوا بِغَضَبٍ مِّنَ اللّهِ وَضُرِبَتْ عَلَيْهِمُ الْمَسْكَنَةُ
“Onlar Allahın qəzəbinə düçar oldu və onlara miskinlik damğası vuruldu.” (“Ali-İmran” surəsi, ayə 112.)
Necə ola bilər ki, əziz olan bir xalq zəlil olsun? Bu suala elə Qurani-Kərimin özündə cavab verilir və onun səbəblərinə toxunur:
1. Yəhudi alimləri səmavi və ilahi qanunları dəyişib təhrif etdilər:
يُحَرِّفُونَ الْكَلِمَ مِن بَعْدِ مَوَاضِعِهِ
“...Onlar (Tövratdakı) sözlərin yerini sonradan dəyişib təhrif edirdilər...” (“Maidə” surəsi, ayə 41.)
2. Tacirlər və alverçilər sələmə üz tutdular:
وَأَخْذِهِمُ الرِّبَا وَقَدْ نُهُواْ عَنْهُ وَأَكْلِهِمْ أَمْوَالَ النَّاسِ بِالْبَاطِلِ
“Onlar qadağan olunmasına baxmayaraq, sələm (faiz) aldılar və haqsız yerə xalqın malını yedilər...” (“Nisa” surəsi, ayə 161.)
3. Yəhudilərdən bir qrupu buzova pərəstiş etdilər:
وَإِذْ قَالَ مُوسَى لِقَوْمِهِ يَا قَوْمِ إِنَّكُمْ ظَلَمْتُمْ أَنفُسَكُمْ بِاتِّخَاذِكُمُ الْعِجْلَ
“O vaxtı xatırlayın ki, Musa öz qövmünə: “Ey qövmüm, siz buzova sitayiş etməklə, həqiqətən, özünüzə zülm etdiniz...” (“Bəqərə” surəsi, ayə 54.)
4. Ümumxalq döyüşdən və mənəvi dəyərlərin müdafiəsindən əl çəkib dünya malına – rahat həyat tərzinə üz tutdular. Həzrət Musa (ə) onlara xəbərdarlıq etdi ki, bu şəhərdə zülmkarlar vardır, gəlin gedək onlarla döyüşək, lakin onlar belə cavab verdilər:
فَاذْهَبْ أَنتَ وَرَبُّكَ فَقَاتِلا إِنَّا هَاهُنَا قَاعِدُونَ
“...Sən və Rəbbin gedib onlarla vuruşun. Biz isə burada oturacağıq.” (“Maidə” surəsi, ayə 24.)
