İsrail qüvvələrinə aid döyüş təyyarələri Qəzza zolağının müxtəlif bölgələrinə yeni hava zərbələri endirib.
İslamazeri.com xarici mediaya istinadən xəbər verir ki, İsrail rejiminə aid döyüş təyyarələri Fələstin müqavimət qruplarına aid bəzi hərbi məntəqələri hədəfə alıb.
Ərəb mediasının məlumatına görə, şəhərin şərqindəki hərbi məntəqə bir neçə raketlə hədəfə alınıb. Hücumda ölən və ya yaralananlar barədə məlumat verilməsə də, ətrafdakı evlərə və torpaqlara ziyan dəyib.
Digər tərəfdən, Fələstin müqavimət qrupları Qəzza zolağı üzərində təyyarələrə yer-hava raketləri ilə cavab verməyə davam edir.
Fələstin müqavimət qrupları sionist işğalçı rejimin Qəzzəyə qarşı hücumuna sərt cavab verəcəklərini açıqlayıblar.
Fələstin qrupları Qəzzaya yaxın sionist yaşayış məntəqələrinin bir sıra raketlərlə hədəfə alındığını bildiriblər.
