Bu barədə krallığın Həcc və Ümrə işləri üzrə naziri Təufiq əl-Rabiə məlumat verib.
Səudiyyə Ərəbistanı hakimiyyəti koronavirus pandemiyası səbəbilə Həcc mərasimlərinə tətbiq edilən məhdudiyyətləri ləğv edib.
İslamazeri.com xarici mediaya istinadən xəbər verir ki, bu barədə krallığın Həcc və Ümrə işləri üzrə naziri Təufiq əl-Rabiə məlumat verib.
“Həcc zəvvarlarının sayı pandemiyaya qədər olan göstəricilərə geri dönəcək, yaşla bağlı hər hansı bir məhdudiyyət olmayacaq”, – deyə o qeyd edib.
Onun sözlərinə göə, artıq bütün dünyada Həcc ilə bağlı xidmət göstərən qurumlar Səudiyyə Ərəbistanındakı xidmətlərin göstərilməsi üzrə məsul olan istənilən şirkətlə müqavilələr bağlaya biləcək.
Zəvvarların gəlişi prosedurlarının asanlaşdırılması üçün xüsusi bir platforma da istifadəyə verilib.
Xatırladaq ki, son 3 il ərzində COVID-19 ilə bağlı Həcc zamanı zəvvarların sayı məhdudlaşdırılmışdı.
