İraq xəbər mənbələri Türkiyənin Mosuldakı "Zəlikan" hərbi bazasına 8 "Qrad" raketinin düşdüyünü bildirib.
İslamazeri.com xəbər verir ki, "Saberin News" Telegram kanalının xəbərinə görə bazar günü axşam saatlarında Türkiyənin İraqın Mosul vilayətindəki "Zəlikan" hərbi bazasına səkkiz Qrad raketi düşüb və baza daxilində yanğın başlayıb.
Əl-Məyadin isə bazar günü axşam saatlarında İraqın Mosul şəhərinin şərqində, Ninova düzənliyi və Beşika bölgəsində böyük partlayışın baş verdiyini bildirib.
Qeyd edilib ki, şənbə günü gecə də Mosuldakı "Zəlikan" hərbi bazasında dörd partlayış baş verib.
