Türkiyədə prezident və parlament seçkiləri keçirilir
İslamazeri.com xəbər verir ki, Türkiyədə prezident və parlament seçkiləri ilə əlaqədar səsvermə yerli vaxtla bu gün saat 08:00-dan etibarən başlayıb.
Ölkədə 5 il fəaliyyət göstərəcək prezident və yeni parlament üzvlərini seçmək üçün seçki keçirilir. Səsvermə işləri Türkiyə vaxtı ilə 17:00-da başa çatacaq.
Keçirilən prezident və parlament seçkilərində 60 milyon 697 min 843 seçici səs verə biləcək. Xarici ölkələrdə yaşayan Türkiyə vətəndaşlarının səsverməsi mayın 9-da başa çatıb, gömrük məntəqələrində səsvermə isə davam edir.
Dövlət başçısı postu uğrunda üç namizəd – hazırkı Prezident Rəcəb Tayyib Ərdoğan, Cümhuriyyət Xalq Partiyasının sədri Kamal Kılıçdaroğlu və Ata İttifaqının namizədi Sinan Oğan mübarizə aparırlar. Məmləkət Partiyasının sədri Muharrem İncə seçkilərə üç gün qalmış namizədliyini geri götürsə də MSK onun səslərini etibarlı sayılacağını bildirib,
Prezident seçkilərinin ilk turunda namizədlərin heç biri 50 faizdən çox səs toplaya bilməsə, mayın 28-də səsvermənin ikinci turu keçiriləcək.
