İran Müdafiə Şurasının katibi Əli Şəmxani Cenevrədə keçirilən dolayı İran-ABŞ danışıqları ilə bağlı mühüm açıqlamalar verib.
İslamazeri.com xəbər verir ki, Şəmxani sosial media paylaşımında bildirib ki, "Əgər danışıqların əsas mövzusu İranın nüvə silahı istehsal etməməsidirsə, bu, Ayətullah Xameneinin fətvasına və ölkənin müdafiə doktrinasına uyğundur və dərhal razılığa gəlinə bilər".
Şəmxani həmçinin vurğulayıb ki, İran danışıqlar qrupunun rəhbəri Abbas Əraqçiyə Amerika tərəfi ilə razılaşma danışıqları aparmaq üçün tam səlahiyyət verilib.
İran rəsmiləri dəfələrlə Tehranın nüvə silahına sahib olmaq niyyətində olmadığını bildiriblər.
2005-ci ildə İranın Ali Rəhbəri Ayətullah Seyid Əli Xamenei nüvə silahının istehsalını, saxlanmasını və istifadəsini qadağan edən fətva verib.
