Əraqçi bu açıqlamanı ABŞ-ın bu səhər İranın cənubuna hava hücumundan sonra sosial media hesabında verib.
İslamazeri.com xəbər verir ki, İranın xarici işlər naziri Abbas Əraqçi bu səhər ABŞ-ın İranın cənubuna hava hücumuna reaksiya verərək, İranın hər hansı bir hücuma və ya təhdidə cavab verəcəyini bildirib.
Əraqçi paylaşımında "Döyüş meydanındakı uğursuzluğuna baxmayaraq, ABŞ bir daha qətiyyətimizi sınamaq qərarına gəlib" deyib.
İran Silahlı Qüvvələrinin hər hansı bir hücuma və ya təhdidə cavab verəcəyini vurğulayan Əraqçi bildirib ki, "Güclü silahlı qüvvələrimiz heç bir hücumu və ya təhdidi cavabsız qoymayacaq. Təhlükəsiz olmaq istəyirsinizsə, bölgəmizi tərk etməyiniz daha yaxşıdır".
Fars körfəzinin tarixinə toxunan Əraqçi şərh edib: "Fars körfəzinin tarixi təcavüzkar xarici güclərin pis aqibətlərinin çoxsaylı nümunələrini ehtiva edir".
Əraqçi həmçinin Hörmüz boğazının beynəlxalq sularda olmadığını iddia edərək bildirib ki, "Hörmüz İran və Oman arasında ortaq bir keçiddir və ABŞ sahillərindən minlərlə mil məsafədədir. Dəniz sərhədləri tamamilə açıq və mübahisəsizdir".
