İslamazeri.com-un "Din" rubrikasından...
İlahi peyğəmbərlərin möcüzələri onları fərqləndirməkdə və mötəbərliyini sübut etməkdə mühüm əlamətlərdən biri olmuşdur. Qurani-Kərimin möcüzələrindən biri rəqəm möcüzələr kimi tanınan rəqəmlər və sözlərin təkrar sayı ilə bağlı müzakirələrdir.
Quran möcüzəsinin bir hissəsi Quran kəlmələrinin sayı möcüzəsi ilə bağlıdır ki, bu da çox maraqlı və cəlbedici müzakirədir. Burada bir neçə şeyi qeyd edirik:
1 - "Gün” mənasını verən “Yəvm” sözü Quranda 365 dəfə qeyd olunub ki, bu da bir ildəki günlərin sayıdır.
2 - Ay mənasına olan "şəhr" sözü 12 dəfə, “saət” sözü isə 24 dəfə gəlib.
3 - "Dünya" və "axirət" sözləri bərabər sayda gəlib.
4 - "Kişi" mənasında olan “rəcul” və qadın mənasında olan “mərə” kəlmələri bərabər sayda qeyd edilmişdir.
5 - "İman" sözləri və ondan alınan kəlmələr “elm” kəlməsi və ondan alınan kəlmələr ilə bərabər sayda gəlib.
6 - Şeytan" və "mələk" sözləri eyni sayda qeyd olunur.
7 - "Ölüm" mənasına olan "məvt" sözləri və ondan alınan kəlmələr ilə “həyat” sözləri və ondan alınan kəlmələr bərabər sayda qeyd olunur.
8 - "Nur” və “zülmət” sözləri bərabər sayda gəlib.
Bu müzakirələrin məqsədi peyğəmbərləri tanımaq üçün qısa və intensiv bir araşdırmadır. Bu səbəbdən də Quran möcüzələrindən bəhs edərkən onun elmi möcüzələrinin təsvirini qeyd etmirik. Yerin hərəkəti, ümumi cazibə qüvvəsi, yerin sferikliyi, bitkilərin küləklə mayalanması və s. kimi elm aləminin məsələləri ki, son əsrlərə qədər əlçatmaz olduğu halda, ayələrdə aydın şəkildə bəyan olunub. Çünki oxucuların sadə axtarışla əldə edə biləcəyi bu sahədə çoxlu kitablar və məqalələr yazılıb.
