Sionist rejimin Qəzza zolağına hücumlarında daha bir jurnalisti şəhid etdiyi bildirilib.
İslamazeri.com xəbər verir ki, mövzu ilə bağlı Qəzza hökumətinin Media Ofisindən yazılı açıqlama verilib.
Açıqlamaya görə, Qəzzadan yayımlanan Əl-Əqsa televiziyasının müxbiri və jurnalisti Məhəmməd Salamənin Qəzza zolağının mərkəzi hissəsində yerləşən Deyr əl-Belah şəhərində bir evə işğalçı rejimin həyata keçirdiyi hücum nəticəsində şəhid olduğu bildirilib.
İşğalçı rejim qüvvələrinin 7 oktyabr 2023-cü il tarixindən bu yana hücumlarını davam etdirdiyi Qəzza zolağında şəhid olan jurnalistlərin sayı 133-ə yüksəlib.
