Pakistanda paytaxt İslamabadda daxil olmaq üzrə ölkə ərazisində elektrik enerjisi kəsilib.
İslamazeri.com xarici mediaya istinadən xəbər verir ki, Pakistan mətbuatının məlumatına görə, ölkənin əsas şəhərləri, o cümlədən paytaxt İslamabad və Kəraçi elektrik enerjisinin kəsilməsi səbəbindən qaranlığa qərq olub.
Energetika Nazirliyindən verilən açıqlamada veriliş sistemində yaranan nasazlıq səbəbindən elektrik enerjisinin verilə bilmədiyi bildirilib.
Açıqlamada problemin aradan qaldırılması üçün işlərə başlanıldığı vurğulanıb.
Bildirilib ki, Lahor, Pişəvər və Ketta şəhərləri də elektrik enerjisinin kəsilməsindən zərər çəkib.
