Minalardan təmizlənən ərazilərin sahəsi açıqlanıb

Minalardan təmizlənən ərazilərin sahəsi açıqlanıb
Yayınlanma tarixi: 17.03.2023 11:17:27

Bu, “Nazirlər Kabinetinin 2022-ci ildə fəaliyyəti haqqında hesabat”da əksini tapıb.

İşğaldan azad edilən ərazilər üzrə təmizlənən mina və partladılmamış sursatlar rayonlar üzrə sahəsi açıqlanıb.

İslamazeri.com xəbər verir ki, bu, “Nazirlər Kabinetinin 2022-ci ildə fəaliyyəti haqqında hesabat”da əksini tapıb.

Sənəddə qeyd edilib ki, ANAMA və digər qurumlar tərəfindən həyata keçirilən minatəmizləmə əməliyyatları nəticəsində Ağdam rayonu üzrə 8505,1 hektar, Cəbrayıl rayon üzrə 9611,8 hektar, Füzuli rayonu üzrə 6304,9 hektar, Kəlbəcər rayonu üzrə 5986,7 hektar, Zəngilan rayonu üzrə 3177,4 hektar, Laçın rayon üzrə 2628,0 hektar, Xocavənd rayonu üzrə 1484,8 hektar, Qubadlı rayonu üzrə 1330,5 hektar, Tərtər rayonu üzrə 2221,1 hektar, Şuşa rayonu üzrə 269,3 hektar ərazi mina və partladılmamış sursatlardan təmizlənib.

ANAMA tərəfindən ötən il işğaldan azad edilən ərazilərlə yanaşı respublikanın digər şəhər rayonlarında mina və partladılmamış sursatlar təmizlənib.

Ağstafa, Bərdə, Beyləqan, Daşkəsən, Goranboy, Göygöl, İmişli, Qazax, Samux, Şəmkir, Tovuz, Yevlax, Gəncə və başqa rayonlarda agentlik tərəfindən 1176 ədəd mina və partladılmamış sursatlar zərərsizləşdirilib.

GÜNÜN MANŞETLERİ