Livanda ölənlərin sayı 4303-ə çatıb.
İslamazeri.com xəbər verir ki, Livan Səhiyyə Nazirliyi 2 martdan bəri İsrail hücumlarında ölənlərin sayının iki nəfər artaraq 4303 nəfərə çatdığını bildirib.
İsrail rejimi bölgədə atəşkəsə və Livanı da əhatə edən ABŞ-İran razılaşmasına baxmayaraq hücumlarını davam etdirir.
Livan Səhiyyə Nazirliyi 2 martdan bəri İsrail hücumlarında şəhid olanların və yaralananların sayı ilə bağlı son rəqəmləri paylaşıb.
Bu rəqəmlərə görə, bu dövrdə İsrail hücumlarında şəhid olanların sayı dünəndən bəri iki nəfər artaraq 4303 nəfərə çatıb, 12202 nəfər isə yaralanıb.
Nazirlik dünənki açıqlamasında 2 martdan bəri İsrailin Livana hücumlarında 4301 nəfərin şəhid olduğunu bildirib.
