Xurşidbanu Natəvanın abidəsi Fransada vandalizmə məruz qaldı. Bu səbəbdən islamofobiya heç də akademik masa üzərində müzakirə deyil.
İslamazeri.com xəbər verir ki, bunu Azərbaycan Xarici İşlər Nazirliyinin xüsusi tapşırıqlar üzrə səfiri Elşad İskəndərov "Müxtəlifliyin qorunması: 2024-cü ildə İslamofobiya ilə mübarizə" adlı beynəlxalq konfransda panel müzakirəsində çıxışı zamanı deyib.
“İslamofobiya günümüzün acı faciəsidir. Müsəlmanlar sanki şiddətə meyilli imiş kimi göstərilir. Sanki liberal dəyərlərə qarşı imişlər kimi nümayiş etdirilir. Qərb dünyası getdikcə hegemon rolunu əldən verir. Liberalizm ideyası getdikcə özü radikallaşmağa başlayır. X.Natəvanın heykəlinə qarşı vandalizm bunun göstəricisidir”,- deyə o bildirib.
Qeyd edək ki, Bakı Beynəlxalq Multikulturalizm Mərkəzi, Beynəlxalq Münasibətlərin Təhlili Mərkəzi, G20Dinlərarası Dialoq Forumu və Bakı Təşəbbüs Qrupunun birgə təşkilatçılığı ilə İslamofobiya ilə Beynəlxalq Mübarizə Gününün 2-ci il dönümünə həsr olunan "Müxtəlifliyin qorunması: 2024-cü ildə İslamofobiya ilə mübarizə" mövzusunda beynəlxalq elmi konfrans keçirilir.
