İran Ali Milli Təhlükəsizlik Şurasının katibi bildirib ki, "İsrail regiona hakim olmaq istəyirdi, lakin İran raketləri bu rejimə dərs verdi".
İslamazeri.com xəbər verir ki, İran Ali Milli Təhlükəsizlik Şurasının katibi Əli Laricani çərşənbə axşamı Oman Sultanı ilə görüşü barədə şərh verib.
Laricani deyib: "Biz iqtisadi məsələlər, investisiyalar və problemlərimizin həlli ilə bağlı müxtəlif müzakirələr apardıq. Oman Sultanı həmçinin İran və Oman arasında iqtisadi əməkdaşlığın genişləndirilməsi ilə bağlı açıq və dəstəkləyici mövqe nümayiş etdirdi".
İslam İnqilabının qələbəsinin 47-ci ildönümü münasibətilə keçirilən mərasimdə çıxış edən Laricani İmam Xomeyninin İsrailin regionda xərçəng şişi olması ilə bağlı məşhur açıqlamasına toxunaraq deyib: "İsrail regiona hakim olmaq istəyirdi, lakin İran raketləri bu rejimə dərs verdi".
