İsrailli generalin savaş analizi: “Netanyahu hakimiyyət sərxoşluğu yaşayır; Amerika bataqlığa sürükləndi”
İslamazeri.com xəbər verir ki, İsrail Mərkəz Komandanlığının keçmiş Komandanı, ehtiyatda olan general Gadi Şamni, Baş nazir Benyamin Netanyahunun İran rejimini devirmək üçün şərtlər yaratmaq iddiası ilə verdiyi açıqlamaları “hakimiyyət coşqusunun təsiri altında edilmiş düşüncəsiz bir addım” kimi qiymətləndirərək, bunun çox ciddi pozulmalara yol aça biləcəyi barədə xəbərdarlıq edib.
Kanal 12-yə danışan Şamni, Netanyahu’nun həm öz strateji mövqeyini, həm də sahədəki reallığı tam anlamadığını vurğulayıb və bu cür ritorikanın doğura biləcəyi risklərin ciddiliyinə diqqət çəkib.
İsrailli komandan, Tehranın prosesləri aydın bir strategiya ilə idarə etdiyini, İran İslam İnqilabı Keşikçiləri Korpusu, Bəsic qüvvələri və təhlükəsizlik xidmətləri kimi rejimin əsas sütunlarının bütövlüyü qoruma gücündə olduğunu, bu birləşmiş strukturun çöküşü önləyəcəyini və hətta pərdə arxasında ABŞ ilə diplomatik təmaslar aparıyor ola biləcəyini bildirib.
Şamniyə görə, ABŞ istəmədiyi bir “bataqlığa” sürükləndiyini anlamağa başlayır, Donald Tramp administrasiyası isə iranlıların sağ qalmaq uğrunda mübarizədəki qətiyyətini və müqavimət gücünü hesaba qatmaqda yetərsiz qalır.
O, şimal sərhədində Hizbullahın tənliyə daxil olması ilə İsrail şəhərlərinin real raket təhlükəsi altında olduğunu xatırladaraq, mülki infrastrukturda möhkəmləndirmə çatışmazlığına və sirenlərdən sonra raketlərin düşmə sürətinə diqqət çəkib, hökumətin xalqı qoruma məsuliyyətini yerinə yetirib-yetirmədiyini sorğulayıb.
Ehtiyatda olan general əlavə edib ki, hökumətin rəsmi cavabları yerli əhalinin vəziyyətini yaxşılaşdırmaq əvəzinə xarici heyətlərə yönəlib. O, böhran davam edərsə, ABŞ-ın ağır sanksiyalar və daxili işlərə müdaxilə cəhdləri ilə təzyiqi artıracağını, lakin bu addımların yaxın perspektivdə uğur şansının aşağı olduğunu vurğulayıb.
Bu müzakirələrin fonunda İran, 28 fevralda mülki infrastruktur və yaşayış məntəqələrini hədəf alan hücumlara cavab olaraq ABŞ və İsrail hərbi bazalarına qarşı müdafiə xarakterli əməliyyatlarını davam etdirir.
