İsrail Livanın cənubunda ağ fosfordan istifadə edib.
İslamazeri.com xəbər verir ki, İsrail ordusunun Livanın cənubundakı Yəhmar şəhərində Ağ Fosfor güllələrindən istifadə etdiyi bildirilir.
Human Rights Watch təşkilatının açıqlamasına görə, təşkilat 3 martda Yəhmarda partlayan bu silahların yeddi fotoşəklini araşdırıb.
Təşkilat "ağ Fosforun əhalinin yaşadığı ərazilərdə istifadəsinin ciddi narahatlıq doğurduğunu" bildirərək, mülki şəxslərin üzləşə biləcəyi "ciddi nəticələr"i vurğulayıb.
Qeyd edək ki, İsrailin Livana qarşı intensiv hücumları təxminən bir həftədir davam edir və bu müddət ərzində mülki şəxslər hədəfə alınıb.
Human Rights Watch təşkilatı hücumlarda təxminən 400 nəfərin həyatını itirdiyini və 1100-dən çox insanın yaralandığını bildirib.
Təşkilat əhalinin yaşadığı ərazilərdə istifadə edilən Ağ Fosfor kimi silahların beynəlxalq humanitar hüquqa əsasən ciddi risk yaratdığını vurğulayıb və mülki şəxslərin qorunmasının vacibliyini vurğulayıb.
