İraq prezidenti Əbdül Lətif Rəşid şənbə günü bir günlük səfər üçün İranın paytaxtına gedib
İslamazeri.com xəbər verir ki, İran prezidenti İbrahim Rəisi şənbə günü səhər Səadabad Mədəniyyət və Tarixi Kompleksində iraqlı həmkarı Əbdül Lətif Rəşid ilə görüşüb.
Bu mərasimdə İran və İraqın dövlət himnləri səsləndirilib, sonra Rəisi və Rəşid fəxri qarovul dəstəsinin ətrafından keçiblər.
Bu mərasimdən sonra iki ölkə prezidentləri ikitərəfli danışıqlara başlayıblar.
Mehrabad hava limanında İraq prezidentini və xanımını İranın iqtisadiyyat və maliyyə naziri Ehsan Xanduzi və İranın qadın məsələləri üzrə vitse-prezidenti Ensiye Xəzali qarşılayıblar.
Ötən ilin sentyabrında İraqın prezidenti seçilən Rəşid ilk dəfədir ki, İrana səfər edir.
