İraq Parlamentinin Təhlükəsizlik və Müdafiə Komitəsi qanunvericilik tətilinə baxmayaraq, "Həşdi Şabi"nin hüquqi statusunu gücləndirəcək yeni qanun layihələri üzərində işi sürətləndirib.
İslamazeri.com xəbər verir ki, deputat Səqr əl-Məhəmmədavi rəsmi Bağdadın bu hərbi təsisatın mövqeyindən geri addım atmayacağını bəyan edib.
Pərdəarxası məlumatlara görə, ABŞ administrasiyası və İraqdakı Amerikayönümlü qüvvələr "Həşdi Şabi"nin (Xalq Səfərbərlik Qüvvələri) rəsmi statusunu əlindən almaq və onu zəiflətmək məqsədilə yeni qanunvericilik mexanizmləri yaratmağa çalışır.
Vaşinqtonun bu cəhdlərinə baxmayaraq, İraq parlamenti qurumun fəaliyyətini tam leqallaşdırmaq və əməkdaşlarının pensiya hüquqlarını təmin etmək üçün əks-addımlar atır.
Ekspertlər və yerli qaynaqlar vurğulayır ki, "Həşdi Şabi" sadəcə ordunun bir qolu və ya sıravi hərbi qurum deyil.
O, birbaşa İraqın Ali Dini Mərcəiyyətinə (Nəcəf hövzəsinə) mənəvi olaraq bağlı olan, xalqın rəğbətini qazanmış köklü bir təsisatdır.
İdeoloji baxımdan bölgədəki "Müqavimət Oxu"nun əsas güclərindən biri hesab olunan bu qüvvə, İraq dövlətinin suverenliyinin qorunmasında və xarici təhdidlərin qarşısının alınmasında strateji sütun rolunu oynayır.
