İnqilab Keşikçiləri: Atəşkəs dövründə heç bir əməliyyat keçirilməyib.
İslamazeri.com xəbər verir ki, İslam İnqilabı Keşikçiləri Korpusunun (İİKK) İctimaiyyətlə Əlaqələr bölməsi Fars körfəzinin cənubundakı ölkələrə raket hücumları ilə bağlı iddialara və məlumatlara cavab olaraq əhəmiyyətli bir bəyanat yayıb.
Bəyanatda deyilir: “İran İslam Respublikasının Silahlı Qüvvələri atəşkəs saatlarında heç bir ölkəyə heç bir pilotsuz təyyarə və ya raket atmayıb”.
Bəyanatda həmçinin qeyd olunur ki, bölgədəki bəzi obyektlərdə partlayışlar barədə məlumatlar doğrudursa, bu hərəkətlər şübhəsiz ki, sionist rejim və ya ABŞ tərəfindən təxribat məqsədləri və razılaşmaları pozmaq üçün həyata keçirilib.
İİKK bəyanatını şəffaflığı və milli gücü vurğulayaraq yekunlaşdırıb və bildirib: “Silahlı qüvvələrimiz istənilən hədəfi vurduqda, bunu tam əminliklə və rəsmi bəyanatlarla dünyaya elan edirlər. Buna görə də, İran İslam Respublikasının rəsmi bəyanatlarında qeyd olunmayan hər hansı bir hərəkətin bizimlə heç bir əlaqəsi yoxdur”.
