Hanzala qrupu mümkün kiberhücumla bağlı xəbərdarlıq edib.
İslamazeri.com xəbər verir ki, Hanzala kiber qrupu ABŞ və İsrail tərəfindən hər hansı bir təcavüz və ya ehtiyatsızlıq halında düşmən ölkələrin enerji və rəqəmsal infrastruktur obyektlərini hədəf alan transmilli və dağıdıcı kiberhücumlar həyata keçirəcəyini açıqlayıb.
Hanzala Kiber Komandanlığının Birgə Əməliyyatlar Mərkəzi ABŞ və İsrail elementlərinin hərəkətlərini izlədiyini bildirdi. Mərkəz bu çərçivədə müxtəlif ölkələrdə onlarla qanuni düşmən hədəfinin müəyyən edildiyini açıqlayıb.
Bəyanatda potensial münaqişənin ilk anlarından etibarən kiber şəbəkələrin, raket sistemlərinin və pilotsuz uçuş aparatlarının birgə istifadəsini əhatə edən mürəkkəb əməliyyatlar vasitəsilə "Böyük Şeytan" kimi təsvir edilən hədəflərə dağıdıcı zərbələr endiriləcəyi bildirilib.
Hanzala tərəfindən yayımlanan bəyanatda aşağıdakılar yer alıb:
"Qəhrəman Müsəlman Ümmətinə bəyan edirik ki, Hanzala və İnqilab Keşikçiləri daxilindəki adsız oğullarınız şəhid liderimizin qanının qisasını almaq və düşmənlə alovlu cəhənnəmlə üzləşmək üçün hər zamankindən daha əzmlidirlər."
Bəyanatda həmçinin pedofil şəbəkəsinin lideri və Mossad agenti olan Ceffri Epşteyn işi ilə əlaqəli uşaq istismarına və Kahane qrupunun fəaliyyət göstərdiyi bölgədə körpələrin və xəstələrin öldürülməsinə qarşı hiss olunan qəzəbə işarə edilib.
Bildirilib ki, dünyanın məzlum və əzilən xalqlarının bu toplanmış qəzəbi raketlər vasitəsilə atəş dalğasına çevriləcək.
Hənzələ qrupu beynəlxalq ictimaiyyətə xəbərdarlığını aşağıdakı sözlərlə yekunlaşdırıb:
"Əgər dünya və milli liderlər Qəzzada iyirmi min uşağın öldürülməsi qarşısında susmağı seçsələr, gələcək inkişaflar qarşısında da susqunluqlarını qorumalıdırlar."
