1825-ci ildə inşa edilən Marağa məscidinin yenidən ibadətə açılması müsəlman icması üçün tarixi və mənəvi baxımdan əlamətdar hadisədir.
İslamazeri.com xəbər verir ki, Gürcüstanın Qardabani şəhərində yerləşən tarixi Marağa məscidi əsaslı təmir-bərpa işlərindən sonra yenidən müsəlmanların istifadəsinə verilib. Açılış mərasimində Bütün Gürcüstan Müsəlmanları İdarəsinin Şeyxi Hacı Faiq Nəbiyev, Şərqi Gürcüstan müftisi Etibar Eminov, Azərbaycan, İran və Türkiyə səfirliklərinin nümayəndələri, Qardabani şəhər rəhbərliyi, din xadimləri və yerli ictimaiyyət iştirak edib.
