Bayden COVID-19-un mənşəyi ilə bağlı məxfi məlumatların açılması haqqında qanun layihəsini imzalayıb.
ABŞ prezidenti Bayden Konqres tərəfindən daha əvvəl təsdiqlənən qanun layihəsini imzalayıb.
İslamazeri.com Türkiyə mediasına istinadən xəbər verir ki, sənədə əsasən, ABŞ kəşfiyyatı yeni koronavirusun mənşəyi ilə bağlı məlumatlarını məxfilikdən çıxarmalıdır.
Ağ Ev-də bu barədə yayılan açıqlamada: “Qanun milli kəşfiyyat direktorundan COVID-19-un mənşəyi ilə bağlı bəzi məlumatların məxfiliyini ləğv etməyi tələb edir”.
Fevral ayında Çin Kommunist Partiyası Mərkəzi Komitəsinin Xarici Əlaqələr Komissiyasının ofisinin rəhbəri, Siyasi Büro üzvü Vanq Yi Çinin koronavirus pandemiyasından uğurla çıxdığını bildirib.
Martın 2-də ABŞ dövlət katibi Entoni Blinken bildirib ki, Birləşmiş Ştatlar hesab edir ki, koronavirusun laboratoriya sızması nəzəriyyəsi çox realdır, lakin qəti deyil.
