Ayətullah Məhəmmədrza Sistani İŞİD-in İraqda böyük təhlükə yaratmasından sonra böyük mərcə Ayətullah Əl Üzma Seyid Sistaninin kifayi cihad fətvasıının verməsinin ildönümülə bağlı çıxış edib.
İslamazeric.om "Az.shafaqna.com"a istinadən xəbər verir ki, Ayətullah Məhəmmədrza Sistani fiqh dərsinin sonunda İŞİD-in İraqda böyük təhlükə yaratmasından sonra böyük mərcə Ayətullah Əl Üzma Seyid Sistaninin kifayi cihad fətvasıının verməsinin ildönümülə bağlı çıxış edib.
“Allahın adı ilə.
Bu gün, iyunun 13-ü müqəddəs Kərbəla şəhərinin cümə namazı kürsüsündə “Cihadi-kifayi” fətvasının verilməsinin doqquzuncu ildönümünə təsadüf edir. Bundan sonra iraqlılar, böyük-kiçik, terrorçulara qarşı döyüşmək və onların şərini dəf etmək üçün o qədər möhtəşəm şəkildə ayağa qalxdılar ki, müasir tarixdə nadir hallarda rast gəlinirdi. Biz o böyük dastanda qanlarını əsirgəməyən, canlarını fəda edən qəhrəmanları tam hörmət və ehtiramla yad etməliyik. Bəziləri şəhid olub Rəbbinin hüzuruna qan içində getdi, bəziləri isə yaralandı və yaraları o qədər ağır idi ki, daimi əlilliyə səbəb oldu, bəziləri isə hələ də xidmətlərində böyük missiyasını davam etdirirlər.
Şübhəsiz ki, saleh şəhidlərin haqqını qismən də olsa ödəyə bilmərik, amma ən mühüm və savablı günlərdən biri olan Ərəfə günü İmam Hüseyni (əleyhissalam) ziyarət etmək ərəfəsindəyik. Ola bilsin ki, onun (ə) ziyarətinə fürsət düşən hər birimiz xüsusi bir ziyarət oxuyub onun savabını şəhidlərin pak ruhlarına təqdim edək və hər kim həccdə olarsa, şəhidlərin niyyəti ilə təvaf etsin, hətta bir neçə addımla ola belə bunu edək. Bu, onların böyük fədakarlıqları qarşısında çox kiçik bir addımdır və onları xatırlamaq üçün ən yaxşı şeylərdən biridir. Uca Allahdan diləyirik ki, onları ali məqamlarda yerləşdirsin və onları nəcib şəhidlərlə, xüsusən də İmam Hüseynin (əleyhissalam) səhabələri ilə məşhur etsin.
Bir müddət əvvəl Vadi əl-Səlamda onlardan bəzilərinin məzarları üstünə getdim, göz yaşlarımdan boğuldum və o qəhrəmanların böyüklüyü qarşısında özümü balaca hiss etdim. Müsəlmanların sərhədini və torpağını, şərəf və müqəddəsliklərini qorumaq üçün gənc yaşlarında öz azad iradələri ilə şəhidlik yolunu seçən gənclər idi bu şəhidlər.
Onların məzar daşlarında oxudum ki, bəziləri kollec tələbəsi, bəziləri universiteti bitirib, digərləri isə sadə işçilər idi. Mən onların məqamları haqqında elə şeylər eşitmişəm ki, nəinki insana təsir edir, həm də ürəklərdə təlaş yaradır, məsələn, birinin atası mənə oğlunun universiteti yeni bitirdiyini söylədi. Dedi: “Mən onun evlənməsini arzulayırdım. Evi və lazım olan əşyaları hazırladım və onun qohumlarından biri ilə nişanlanmasına şərait yaratdıq, lakin Cihad elan olunanda evlənməkdən imtina etdi və dedi: Mən cəbhəyə gedirəm. Mən onu qərarından döndərmək və gözləməyə razı salmaq üçün hər cür səy göstərdim, amma əl çəkmədi, oğlum dedi: Bu fürsətdir, buna bənzərini haradan tapa bilərəm? Mən şəriət fətvası ilə təcavüzkarlara və azğınlara qarşı mübarizə aparıram ki, bu cür öldürülən şəxs kəfənsiz dəfn olunarsa şəhid sayılır, mən belə fürsəti necə tapa bilərəm? (Atası) Mən ona dedim: Başqa insanlar da var. Dedi: Bəs başqası şəhid olsa, onun şəhadətinin savabı mənə yazılarmı? Mən ona dedim: Biz ehtiyacsız bir ailəyik ki, onların maddi-texniki təminatında öz pulumuzla iştirak edirik və cihad canla olduğu kimi pulla da olur.O dedi: Pulla cihad hara, canla cihad hara? O, təkidlə cəbhəyə getdi və bir neçə gün çəkmədi ki, şəhid oldu və cənazəsi gətirildi.
Şimal cəbhələrində məzuniyyət müddətində ailəsinin yanına qayıtmayan, könüllü olaraq qərb cəbhələrinə gedən və orada şəhid olan daha bir döyüşçü var idi. Üçüncü əsgər isə ailəsinin yeməyə heç nəyi olmadığı halda məzuniyyətə çıxmaqla kifayətlənməyib, gəlib bir neçə gün onları dolandırmaq üçün işləyib, sonra cəbhəyə qayıdıb şəhid olub. Onlar kimi minlərlə insan da var. Allahın salamı və rəhməti onların üzərinə olsun və onları yaxşı əməllərə görə ən gözəl əcirlə mükafatlandırsın.”
Qeyd edək ki, şiə dünyasının böyük mərcəsi Ayətullah Əl Üzma Sistani 2014-cü il iyunun 13-də İŞİD-ə qarşı cihad (kifayi) fətvası vermiş, nəticədə milyonlarla iraqlı könüllü olaraq silaha sarılmış və dinini və vətənini müdafiəyə qalxdılar. Nəticədə İŞİD İraqda darmadağın edilərək məğlub edildi.
