1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:19.10.2016 11:51:33

9288 Dəfə oxundu.

Ötən günlərdə sosial şəbəkələrdə saxta iş elanı yayılıb.

Natiq Axund: "Adım və şəkil saytdan çıxarılsa da, mənim haqqımda təkzib xəbəri dərc olunmayıb. Xəzər TV də bu xəbəri efirdə yayımlayıb. Məlumatı təkzib etməlidirlər və üzr istəməlidirlər".

"Bu elanı minlərlə sosial istifadəçi paylaşıb, amma məhz mənim profilim mediada yayılıb".

Bəzi yerli media qurumları sosial şəbəkədə yayılan saxta iş elanıyla bağlı xəbərlər hazırlayıb.

İslamazeri.az xəbər verir ki, məlumatlarda tanınmış rejissor  Natiq Axundun adı hallanıb. Belə ki, mediada məhz onun facebook statusu gündəm mövzusu olub. Hətta televiziya kanalında efirə gedən mövzuyla bağlı materialda onun statusu görüntülənib. Digər istifadəçilər də buna inanaraq sözügedən elanı öz profilində paylaşıb. Lakin yalnız N.Axundun profilindəki paylaşım həm saytlarda, həm də telekanalda yer alıb.

Rejissor və media nümayəndəsi olan Natiq Axund mətbuatda yayımlanan xəbərlərlə bağlı narahatlığını ifadə edib. Bu barədə N.Axund islamazeri.az-a açıqlama verib. O, sadəcə, işsizlərə yardım məqsədiylə sözügedən statusu paylaşdığını bildirib. Rejissorun sözlərinə görə, elan onun özünə də whatsapp vasitəsilə göndərilib.

"Xəbər "Qafqazinfo" saytında dərc olunandan sonra onlarla əlaqə saxladım. Mənə bildirdilər ki, Günel Hacı adlı yeni işçinin səhlənkarlığıdır. Sonra məlumatdan şəklimi götürdülər, xəbər olduğu kimi qaldı. Ardınca onlardan adımın çıxarılmasını və təkzib olunması barədə məlumatın dərc edilməsini tələb etdim. Həmçinin bununla bağlı məhkəməyə müraciət edəcəyimi söylədim. Belə səriştəsizlik olmaz. Adım və şəkil saytdan çıxarılsa da, mənim haqqımda təkzib xəbəri dərc olunmayıb. Xəzər TV də bu xəbəri efirdə yayımlayıb. Məlumatı təkzib etməlidirlər və üzr istəməlidirlər. Mənim mövqeyimi öyrənmədən belə xəbəri hazırlamaq jurnalistika prinsiplərinə ziddir", - deyə rejissor qeyd edib.

 

Natiq Axund haqqında hazırlanan xəbərlərin ona qarşı təxribat olduğunu ehtimal edir. O, bunu ərsəyə gətirdiyi "Dünyada bir gün" layihəsi çərçivəsində "Ramazan payı" qısametrajlı filmi ətrafında baş verənlərlə bağlı izah edib. Rejissorun sözlərinə görə, ekran əsəri çəkildikdən sonra kimlərsə bu filmin öz adına keçirməsində maraqlı olub: "Həmin şəxs bizə maddi cəhətdən dəstək olan qurumun qarşısını almaq üçün onlara müraciət belə edib".

"Bu elanı minlərlə sosial istifadəçi paylaşıb, amma məhz mənim profilim mediada yayılıb".", - deyə N.Axund sonda əlavə edib.

Qeyd edək ki, Natiq Axund bir çox sosial çarxların, qısametrajlı filmlərin, həmçinin qapadılan ANS TV-də "Əbədi səadətə aparan yol" verilişinin müəllifidir. Eyni zamanda adıçəkilən kanalda yayımlanan "Qulp" verilişinin videoçarxlarının rejissorudur.

Xatırladaq ki, N.Axund özünün facebook hesabında "Delta" MMC adlı şirkətin işçi axtardığını və aylıq maaşın yüksək olduğu barədə status yazmışdı. Daha sonra bunun fırıldaq olduğuyla əlaqədar post paylaşıb.


Tanınmış rejissor Natiq Axund: "Bu, mənə qarşı təxribatdır" - FOTO

9288 Dəfə oxundu.

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Prezident Xələf Xələfova yeni vəzifə verdi
    Prezident İlham Əliyev Xəzər dənizi məsələləri üzrə Yüksək Səviyyəli İşçi Qrupda Azərbaycan Respublikasının səlahiyyətli nümayəndəsinin təyin edilməsi haqqında sərəncam imzalayıb.
     14.11.2018
    Metyu Brayza:
    O qeyd edib ki, Rusiya gələcəkdə də Ermənistan siyasətində mərkəzi amil olaraq qalacaq.
     14.11.2018

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ