EURO 1,8427 TRY 0,2563
USD 1,7 RUB 0,022
  1. http://www.islamazeri.com/
  2. XƏBƏRLƏR
  3. HƏRBİ

Kateqoriya : XƏBƏRLƏR

HƏRBİ

Yayınlanma tarixi:18.04.2019 17:47:33

Azərbaycan Rusiya ilə dost ölkədir, Türkiyə isə bizim strateji müttəfiqimizdir.

Azərbaycan Rusiya ilə dost ölkədir, Türkiyə isə bizim strateji müttəfiqimizdir. Şübhəsiz ki, bu iki qonşu ölkənin bir-birilə münasibətlərinin yaxınlaşması, hətta müəyyən strateji sahələrdə əməkdaşlıq etməsi bizim də maraqlarımıza cavab verir.

Bu sözləri Axar.az-a açıqlamasında analitik Vüqar Zifəroğlu Türkiyənin Rusiyadan aldığı S-400-lərin Azərbaycan ərazisində yerləşdiriləcəyi ilə bağlı yayılan xəbərlərə münasibət bildirərkən deyib.

O qeyd edib ki, Ankara ilə Moskvanın yaxınlaşması Türkiyənin Cənubi Qafqaz siyasətində müəyyən dəyişikliyə səbəb ola bilər:

“Bu yaxınlaşma ilə Ankara təkcə Cənubi Qafqazda deyil, Orta Asiya istiqamətində, postsovet məkanında müəyyən əlavə manevr imkanları əldə edə bilər. Rusiyanın postsovet məkanında təsiri çox güclüdür. Bu da təbiidir. Çünki Sovet imperiyası dönəmində Rusiya flaqman ölkə idi. İmperiya dağıldıqdan sonra da Rusiya postsovet məkanında öz təsir imkanlarını maksimum dərəcədə qoruyub.

Ankara ilə Vaşinqtonun münasibətlərinin kəskin şəkildə pozulduğunu düşünmürəm. Çünki ABŞ Türkiyəni heç vaxt itirmək istəməz. Ən azından Yaxın Şərq məsələlərinə, hətta lazım olduğu zaman Ankaranın Moskvayla münasibətlərində bir körpü rolunu oynaya biləcəyinə görə Ankarayla münasibətləri heç vaxt tam şəkildə pozmaq istəməz. Burada müxtəlif faktorlar var. Bu faktorlar Türkiyənin Qərb ölkələrində, o cümlədən ABŞ-da çox vacib strateji əhəmiyyətli edir. Bu mənada Moskva ilə müəyyən qədər yaxınlaşma və müəyyən razılaşmaların əldə edilməsi hələ o demək deyil ki, Vaşinqtonla münasibətlər ciddi şəkildə pozula bilər.

Türkiyə və ABŞ arasındakı gərginliyin Azərbaycana hansısa formada təsir edəcəyini düşünmürəm. Azərbaycan xarici siyasətində, dövlətlərarası münasibətlərdə kifayət qədər müstəqil siyasət yürüdən və öz prioritetlərini önə çəkən hüquqi bir ölkədir. Bu mənada Azərbaycanın həm Türkiyə, həm də ABŞ-la münasibətləri kifayət qədər balanslaşdırılmış bir siyasətdir. S-400-lər Azərbaycan ərazisində yerləşdirilərsə, bunun hər hansı bir risk yaradacağını düşünmürəm”.

Ekspertin sözlərinə görə, S-400-lər Azərbaycan ərazisində yerləşdirilərsə, bu, yalnız üstünlük qazandıra bilər:

“Ümumiyyətlə, S-400-lərin Azərbaycanda yerləşdirilməsi məsələsi hələlik bir ideya, ehtimaldır. Amma bu, müəyyən mənada Azərbaycana strateji nöqteyi-nəzərdən dividendlər gətirə bilər. Rusiya raketlərinin Ermənistan ərazisində yerləşdirilməsi Ermənistan üçün hansı dividendlər qazandırırsa, S-400-lərin də Azərbaycan ərazisində yerləşdirilməsi Azərbaycan üçün eyni üstünlük yaradır”.

Qeyd edək ki, Türkiyənin “Sabah” qəzeti Rusiyanın Türkiyəyə verəcəyi S-400-lərin müvəqqəti olaraq Azərbaycan ərazisində saxlanıla biləcəyini yazıb.


S-400-lər Azərbaycana yerləşdirilsə... - Analitik açıqladı

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • Koronavirus Türkiyədə necə yayıldı?
    Koronavirusun Türkiyədə yayılması ilə bağlı ölkənin Səhiyyə naziri Fahrettin Kocanın açıqlamasından sonra bu ölkədə virusun yayılmasının necə başlama və yayılması ilə bağlı Hürriyətdə bir xəbər yayılıb.
     03.04.2020
    Türkiyədə bir gündə 79 nəfər koronavirusdan ölüb
    Türkiyədə yeni növ koronavirusdan ölüm sayı 356-ya çatıb.
     03.04.2020

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ