Təcili

Məlumat

  1. http://www.islamazeri.com/
  2. XƏBƏRLƏR
  3. ÖLKƏ

Kateqoriya : XƏBƏRLƏR

ÖLKƏ

Yayınlanma tarixi:7.06.2018 14:10:38

Moskvada səfərdə olan Ermənistanın Xarici işlər naziri Zohrab Mnasakanyan səfər öncəsi "Dağlıq Qarabağ danışıqlar masasında əsas sözə sahib olmalıdır”, - açıqlamasını verdi.

Hazırda Moskvada səfərdə olan Ermənistanın Xarici işlər naziri Zohrab Mnasakanyan səfər öncəsi "Dağlıq Qarabağ danışıqlar masasında əsas sözə sahib olmalıdır”, - açıqlamasını verdi. Güman ki, Mnasakanyan Moskvada Rusiya xarici işlər naziri Sergey Lavrovla görüşdə də bu məsələni gündəmə gətirəcək. Halbuki, bu, münaqişə zonasında müharibəni yenidən tətikləməkdir.
 
İslamazeri.com publika.az-a istinadən xəbər verir ki, rusiyalı ekspertlər Ermənistanın Qarabağ planını şərh edib.
 
İrəvan Qarabağ üçün nə planlaşdırır?
 
Moskva Dövlət Universitetinin dünya siyasəti və beynəlxalq təhlükəsizlik kafedrasının dosenti Aleksey Fenenko Qarabağın danışıqlara cəlb edilməsi ilə bağlı İrəvanın bəyanatlarının təhlükəli olduğunu deyib.
 
Onun sözlərinə görə, Ermənistan rəhbərliyi hiyləgər oyun oynayır: "İrəvan Dağlıq Qarabağ ətrafında idarəolunan böhranı yaratmaq istəyir. Bununla həm də Rusiyanın qarşısında sual qoyur: "Qarabağa görə bizimlə döyüşəcəksiniz? Əgər döyüşməyəcəksinizsə, NATO ilə əməkdaşlığımıza mane olmayın”.
A.Fenenko hesab edir ki, Azərbaycan belə ritorikaya uzun müddət dözməyəcək.
 
"Fikrimcə, nəticədə münaqişə zonasında "aprel müharibəsi” kimi yeni müharibə başlaya bilər”, - deyə o bildirib.
 
Qarabağda müharibə başlayacaq
 
Ekspert Dmitri Verxoturov hesab edir ki, İrəvan danışıqlarda iki erməni tərəfini əyləşdirmək istəyir.
 
"Məlumdur ki, Azərbaycan separatçıların danışıqlara cəlb edilməsinə heç vaxt razı olmayacaq. Doğrudur, Azərbaycan Ermənistanın bu təklifinə cavab olaraq deyə bilər ki, danışıqlarda öz doğma yurdlarından qovulmuş və bu torpaqların qanuni sahibləri olan Dağlıq Qarabağın Azərbaycanlı icması da iştirak edə bilər. Bu baş verərsə, danışıqlarda dinamika yarana bilər. Lakin Ermənistanın təklif etdiyi "soyğunu qanuniləşdirmək” cəhdidir. Bu şəraitdə danışıqların aparılması mənasızdır. Beləliklə, Azərbaycan üçün güc variantı alternativsiz olur. Ehtimal ki, gec-tez Qarabağda müharibə başlayacaq və münaqişə məhz bu yolla həll olunacaq”, - deyə o vurğulayıb.
 
Bakı sərt şərtlər irəli sürəcək
 
Dağlıq Qarabağda bir neçə gün öncə baş verən etiraz aksiyalarına toxunan Rusiya Siyasi Tədqiqatlar İnstitutunun direktoru Sergey Markov isə hesab edir ki, Xankəndində baş verənlər Azərbaycanla müharibədə və danışıqlar prosesində Ermənistanın mövqeyini zəiflədəcək.
 
Onun sözlərinə görə, Ermənistan Qarabağın danışıqlar prosesində iştirakını təklif etməklə prosesi lap əvvələ qaytarır: "Hərçənd, Azərbaycan Qarabağın azərbaycanlı icmasının danışıqlar prosesində iştirakı ilə bağlı sərt şərtlər irəli sürə bilər”.

Qarabağın yeganə həll yolu budur - Rus ekspertlər

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • HƏMAS:
    HƏMAS-ın Qəzzadakı yüksək rütbəli rəsmisi Mahmud əz-Zəhhar ərəb hökmdarlarının öz tac və taxtlarını qorumaq üçün ərəb ləyaqət və sülh tarixini unutduqlarını bildirib.
     22.01.2022
    DSX-nın hərbi qulluqçusu intihar edib
    Dövlət Sərhəd Xidmətinin (DSX) hərbi qulluqçusu, matros Ramil Rzaquliyev intihar edib.
     22.01.2022

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ