EURO 1,9288 TRY 0,311
USD 1,7 RUB 0,0264
  1. http://www.islamazeri.com/
  2. XƏBƏRLƏR
  3. REGİON

Kateqoriya : XƏBƏRLƏR

REGİON

Yayınlanma tarixi:11.01.2019 16:52:40

Moskvada azərbaycanlılara məxsus “İnam” məscidi bağlanır.

Moskvada azərbaycanlılara məxsus “İnam” məscidi bağlanır.

Kult.az xəbər verir ki, bu barədə “Minval.az” saytı informasiya yayıb.

Məlumata görə, Azərbaycanın keçmiş baş prokuroru Məmməd Quliyevin vəfatı və eks-prezident Ayaz Mütəllibovun Azərbaycana qayıtmasından sonra məscidin öz ərazisində inşasına izn verən iş adamı Rəşid Bəyazidov öz oyununu oynamağa və müxtəlif variantlarla hər ay məsciddə imamları dəyişdirməyə cəhd edib.

Məscid ziyarətçilərindən biri bildirib ki, azərbaycanlılar ona etiraz etməyə və mitinqlər keçirməyə başlayanda iş adamı onların qarşısına çıxaraq, məscidin özünə aid olduğunu deyib. Azərbaycanlılar isə bununla razılaşmayıb və məscidin onlara məxsus olduğunu bildiriblər.

Rəşid Bəyazidovla müxtəlif zamanlarda ağsaqqallar və ruhani liderlər görüşməyə başlayıb. Bundan sonra iş adamı məscidi azərbaycanlılara 300 min rubla icarəyə verib, daha sonra bu məbləği 250 min rubla endirib. Rusiyada iqtisadi böhranın başlanmasından sonra icarənin ödənilməsində problem yaranıb. Aparılan danışıqlardan sonra iş adamı azərbaycanlıların yalnız kommunal xidmətlərə görə ödəniş etməsinə razılaşıb, amma bunun qarşılığında nəzir qutusunda yığılan pulların ona çatmasını tələb edib. Nəzir qutusundan gəlirin az olduğunu görən Bəyazidov noyabrda həmyerlilərimizin yenidən icarə haqqı ödəməsini tələb edib. Noyabrda bu istəyi yerinə yetirən azərbaycanlılar dekabrda icarəni ödəyə bilməyib. Buna görə iş adamı məscidi bağlayaraq, imamı vəzifəsindən çıxarıb. Azərbaycanlıların dediyinə görə, hazırda Rəşid məscidi dağıstanlılar və taciklərə icarəyə verərək, onu sünni məscidinə çevirəcəyi ilə bağlı təhdidlər səsləndirir.

Sayt bu məsələdə azərbaycanlıların Azərbaycan hökuməti və dini strukturlardan yardım gözlədiyini bildirib. Əks təqdirdə həmyerlilərimizin İran məscidlərinə gedərək dini ritualları yerinə yetirmək məcburiyyətində qalacaqları vurğulanıb. Belə ki, bunun Moskvada elə də böyük diasporu olmayan iranlılara da sərf etdiyi bildirilib. Azərbaycanlıların bir qismi artıq məsələ ilə bağlı Xameneinin Moskvandakı nümayəndəsinə də müraciət ediblər, amma problemin həlli istiqamətində hər hansı uğur qazanmayıblar.

Qeyd edək ki, “İnam” məscidi Bakının eks-prokuroru Məmməd Quliyev və eks-prezident Ayaz Mütəllibovun təşəbbüsü ilə tikilib. Onlara bu işdə hər ikisinin ortaq dostu olan iş adamı Rəşid Bəyazidov yardım edib. Bəyazidov məscid tikilişinə öz ərazilərindən birində şərait yaradıb.


Mütəllibovun Moskvada tikdirdiyi məscid bağlanır

Facebookla şərh yaz

Şərhlər

Bu məlumata aid ilk şərhi sən etmək istəyərsənmi?

Şərh Yazın

  • İran Netanyahunun oğlu və arvadının telefonuna sızdı - İDDİA
    İsrail mediası bu dəfə İran hakerlərinin Netanyahunun ailəsinin telefonlarına sızdığını yazıb
     20.03.2019
    Laqodexidə İmam Əlinin mövludu keçirilib - FOTO
    Gürcüstanın Laqodexi bölgəsində Şahi Vilayət - Həzrəti Əlinin (ə) mübarək mövludu münasibətilə mərasim keçirilib
     20.03.2019

    Xəbər lenti

    Redaktorun seçimi

    Çox Oxunanlar

    • GÜN
    • HƏFTƏLİK
    • AYLIQ